Visite de Bruno Le Maire : une mise en scène médiatique pour Jean Guy Talamoni
(A ridazzioni d'Alta Frequenza) -Issu marti, Jean Guy Talamoni hà ricusatu l’invitu llu ministru di l’ecunumia, ch’avia adunitu, à u Palazzu lli Cungressi, d’Aiacciu eletti è imprisarii. Rigreta, u prisidenti di l’assemblea di Corsica, ch’idd’achi dittu u ministru chì « nisciuna misura fiscali ùn si pudia insirì in lla legi lli finanzi pà u 2019 ». Par ciò chì tocca à un statutu fiscali è suciali dirugatoriu, u ministru hà rispostu à Jean-Guy Talamoni ch’iddu l’era « par avali impussibuli d’ingagià si in issu sensu ». In chjudenda, u prisidenti Talamoni hà dittu chì issa visita, una di più, « ùn era un’andatura sincera è custruttiva, ma una missa in scena, un neci midiaticu » da fà creda chì Parigi s’impinsirisci lla situazioni lla Corsica
