Visite de Bernard Cazeneuve, Femu a Corsica : Inseme per a Corsica fait le point
(A redazzioni d'Alta Frequenza) - Ssu luni, u partitu Inseme per a Corsica, purtatu da Gilles Simeoni, hà cumunicatu annant'à i seguiti di a visita di Bernard Cazeneuve ma dinò annant'à l'avvena di u muvimentu. Cuncirnendu a visita ministiriali, quissa quì hè cunsidarata com'è assai negativa, postu chì u Statu hà ignuratu sicondu u partitu parechji prublematichi amintati da l'assemblea di Corsica. Di fattu, Inseme pighja in contu ss'affari è s'hà da mubilizà à partasi di un'assemblea generali u 18 d'aprili chì veni in Corti, è hà da entra dinò in cuntattu à tempu cù l'altri forzi naziunalisti ma dinò cù i prugressisti chì vulariani fà parta anch'elli di l'aventura. Pà ciò chì tocca Femu a Corsica, Inseme chjama à fà opara di rinforzu, à u nivellu strutturali ma dinò uparaziunali. Malgradu tuttu, ci sariani turbulenzi cù u PNC par asempiu, quandu si sà l'amarezza di Ghjuvan Cristofanu Angelini dopu à u fiascu municipali in Aiacciu ?
Steti à senta à Gilles Simeoni.
Sur le même sujet
