Visite d'Emmanuel Macron : une réunion des groupes nationalistes à Corte pour définir une démarche commune
Photo d'illustration
Marti, in Corti, hè cuminciata à setti ori di sera à riunioni fatta à l’iniziativa di Cori in Fronti.
L’ughjittivu n’era di difiniscia una stratigia è una andatura cumuni, à calchì ora lla ghjunta in Corsica d’emmanuel macron.
Femu a Corsica è u PNC ani rispostu prisenti, ma ùn c’erani nè Gilles Simeoni, nè Jean-Chrsistophe Angelini.
Par contu soiu, Corsica Libara ùn l’hà fattu, u dispiazzamentu, cunsidarendu ch’issa visita prisidinziali era un « non evenimentu ».
Fatta a riunioni, i trè strutturi prisenti ani ripitutu a so vulintà d’ùn tradì a dilibarazioni di u cinqui di luddu, è a so vulintà d’ùn viutà la di u so cuntinutu.
Steti à senta à Gérard Dykstra à nomu di Cori in Fronti.
Hè a stessa a ditirminazioni par Femu a Corsica, chì aspetta una parolla forti da u prisidenti lla ripublica francesa. Una parolla chì rispittaria u fattu dimucraticu è purghjaria à a Corsica una suluzioni pulitica in cunfurmità cù quidda validata da i so riprisintanti.
Steti à senta à François Martinetti, di Femu a Corsica.
U PNC voli metta ancu iddu issa dilibarazioni di l’Assemblea in cori à u statutu à vena di a Corsica. Issu statutu novu, ci vol’ ch’iddu piddi in contu issu testu impurtanti.
Steti à senta à Pascal Zagnoli, à nomu di u PNC.