Visite d'Emmanuel Macron le 4 avril en Corse : Pè a Corsica appelle à une demi-journée Isula Morta
(A ridazzioni d'Alta Frequenza) -Hà fattu l’unioni contr’ad iddu emmanuel macron. In una cunfarenza di stampa cumuna, i militanti di Pà a Corsica – vali à dì u PNC, Corsica Libara è Femu a Corsica – ani fattu valè una pusizioni bedda ferma, innanzi ch’iddu venga u prisidenti lla ripublica francesa u 4 d’aprili. È quissa malgradu i diffarenzi trà l’urganisazioni, resi publichi iss’ultimi sittimani. I naziunalisti ani vulsutu palisà ciò ch’ùn hè par iddi chè unu « spittaculu di cumunicazioni », « un neci di cunsultazioni », è u mancu di dialugu trà u statu è a maiurità tarrituriali, è chjamani à una meza ghjurnata d’Isula Morta, u 4 d’aprili da meziornu à sei ori, u tempu lla visita di macron in Corsica. Issa mubilisazioni ùn hè chè un primu passu, dici Pà a Corsica. Par ciò chì tocca à a manifistazioni di u Cullittivu Patriotti in Bastia, u 13 d’aprili, a cualizioni tarrituriali ùn hà pricisatu micca s’idda ci andaria.
Stemu à senta à François Martinetti, u vici sicritariu naziunali di Femu a Corsica, à nomu di Pà a Corsica
