Violents incendies en Corse
(A redazzioni d'Alta Frequenza) - Parechji fochi si sò dichjarati eri dopu meziornu (marcuri) in Corsica Suprana. U più impurtanti, hè partutu appena nanzi à 5 ori ind'u Nebbiu, torna una volta nant'à a cumuna d'Oletta, à u lavu di Padule. Sei ettari di vegetazioni sò stati brusgiati. Più di vinti omi è dui mezi aerei agiscini sopralocu, raghjunti da un antru gruppu di mezi umani è da trè altri mezi aerei di Corsica Suttana. U focu hè oramai ammaistratu. I spinghjifochi di furesta ani da principià oramai un travaghju nant'à ciò chì ferma da spinghja daveru issu sinistru. Eppo, setti altri fochi sò stati censati nant'à u dipartimentu, nant'à un settori trà Bastia è Corti. Fochi spinti à lestra, chì ani distruttu picculi superficii à maiò parti, fora di i 5000 m2 calcinati in Biguglia.
Sur le même sujet
