Violences faites aux femmes : les gendarmes formés à l'accueil et à la prise en compte de la problématique
In fin’di sittimana scursa, circa quaranta ciandarmi di u Cismonti sò stati furmati à l’accolta di donni vittimi di viulenzi in coppiu. Issa furmazioni veni à cumplittà un travaddu avviatu dighjà è beddu nicissariu, à veda a crescita lli lagnanzi : si ni conta 120, sia 20 % di più in un annu.
Issi sciffri, chì ùn dicini ublicatoriamenti una crescita lli viulenzi, facini veda chì a parolla pari libarà si, ancu in i campagni.
Stemu à senta u culineddu Olivier Pezza, u cumandanti lla ciandarmaria llu Cismonti.