Violences aggravées : Abderahim Ramdi condamné à huit ans de prison ferme et à une interdiction de rester en Corse
Vennari, u tribunali currizziunali d’Aiacciu hà cundannatu à Abderahim Ramdi à ottu anni di prighjunia ferma pà viulenzi pighjurati, dopu à l’aggrissioni d’un omu, u 22 di sittembri in Prupià. Issa cundanna veni rinfurzata da una intirdizzioni di stà in Corsica, è da una intirdizzioni di tena o purtà armi par deci anni.
À senta ni à Nicolas Septe, u prucuratori lla ripublica d’Aiacciu, a vittima di l’aggrissioni hà ricivutu un colpu in capu, senza fà ci la à veda i so aggrissori, è hà persu cunniscenza. Po’ hè stata purtata a parsona in casa soia, ind’idda hè stata turmintata un beddu pezzu. Si hè ancu fatta tirà à dossu cù un fucili Airsoft ch’idda t’avia in casa. Partindu, i so aggrissori l’ani coltu u so tilifuninu è u so fucili Airsoft.
Parvia d’issi cosi, l’hè stata data un ITT di 30 ghjorna.
Mentri issi fatti, a mamma di a vittima, chì stà in pedi à pianu è chì ùn sà ciò chì si passa ind’è u fiddolu, rimarca una Renault Clio è ni nota a placca.
Hè quidda di a parsona ghjudicata arimani, Abderahim Ramdi.
Intarpillatu in casa soia è missu in guardia à vista, hà ghjittatu un tiliuninu pà u balconu.
Via a perquisizioni, si hè trovu in casa soia una savunetta è mezu di pecia di canapu (140g).
Via a inchiesta, i ciandarmi di Prupià ani scupartu chì, un quartu d’ora innanzi à i fatti, Abderahim Ramdi facia u pienu di a so vittura.
Rimissu in guardia à vista dopu à tanti i invisticazioni, hè statu mandatu in cumparuzioni diretta vennari. Mentri l’audienza, hà ricunnisciutu i fatti ch’iddu avia nigatu in guardia à vista : aggrissioni è arrubbeghju
Aghjà cunnisciutu da a ghjustizia, era statu cundannatu in assissi à deci anni di prighjunia in u 2018, parvia d’un arrubbeghju cù usu d’armi.
