Vingt troupes de carnaval sarde mercredi à Ajaccio pour une grande parade au cœur de la ville
(A redazzioni d'Alta Frequenza) - Un evenimentu puliticu, culturali è ecunomicu corsu è sardu, u più maiò ind'a storia di i dui isuli ! L’Associu Sardegna Corsica Popoli del Mare urganizeghja ssu marcuri dopu meziornu à 4 ori a sfilarata Mascaras, ripruduzzioni di i grandi carnavali sardi, in Aiacciu. 20 truppi ghjunti da Sardegna, vali à dì più di 400 parsoni, sò aspittati, da u carrughju di u Borgu fin'è a piazza di u Diamanti, passendu pà a piazza di l'Olmu è u viali Premier Consul. A vigilia, marti à 5 ori è mezu, una sfilarata di custumi tradiziunali sardi è di criazioni hè privista in u Palazzu di i Cungressi, pà metta in valori parechji sapè fà. Avvicinà i dui populi grazia à un evenimentu significativu, eccu u scopu di ssa manifistazioni, com'ellu a ci dici u presidenti di l'Associu Sardegna Corsica Popoli del Mare.
Steti à senta à Denis Luciani.
Sur le même sujet
