Vigilance orange pour vent violent et risque orageux
(A redazzioni d'Alta Frequenza) - A prifittura di Corsica faci sapè chì l'isula passa in vigilenza aranciu pà ciò chì tocca u gattivu tempu. I venti di settori Punenti s'ani da rinfurzà duranti a ghjurnata di dumenica. I venti s'ani da ghjiniralizà di manera prugressiva in guasgi tutta a Corsica. Hè trà ssu dopu meziornu è a prima parti di a notti di dumenica à luni chì ss'episodiu sarà u più intensu. I settori i più sposti sarani : u Meziornu Livanti di a Corsica, trà Purtivechju è Bunifaziu, è i zoni di rilievu. I buffulati sarani u più suventi trà 100 è 120 chilometri par ora, fin'è 140 à 170 chilometri par ora in Capicorsu. In altròn i buffulati sarani piuttostu trà 80 è 100 chilometri par ora. Duranti a prima parti di a notti di dumenica à luni, da u Nordu di l'isula, i venti passarani di manera viulenti nant'à u settori Nordu, assai forti certi volti, particularmenti trà Scandula è Capicorsu passendu pà a Balagna. I buffulati sarani trà 100 è 110 chilometri par ora. I venti assai forti sarani solu una parti di u tempu assai gattivu chì tuccarà a Corsica. Ssa situazioni assai vintata sarà accumpagnata in fatti da un passaghju d'acqua è di timpurali attivu, rispunsevuli di cumuli d'acqua impurtanti nant'à i parti à Punenti è cintrali di l'isula, avvicinendu versu i rilievi 60 à 100 mm, eppo da un episodiu di marosuli forti è di summersioni lucalizati, nant'à u latu Punenti di a Corsica, à partasi da dumenica dopu meziornu.
Sur le même sujet
