Vigilance orange en Corse-du-Sud : mise en place d'un PC crise dans l'Extrême-Sud
(A redazzioni d'Alta Frequenza) - Dipoi stamani (marti) a Corsica Suttana, duva si pò custatà acquati è timpurali impurtanti, hè sottu à a vigilenza aranciu. In fatti, u dipartimentu hè toccu, cù intensità pà l'acquati chì, d'appressu à l'infurmazioni di i maghjini radars, andariani aldilà di 30 mm pà ora. Issu cuntestu meteorulogicu dura a ghjurnata sana, cù quantunqua un'accalmia pussibuli in prima parti di notti, fin'è dumani matina à 6 ori. I cumuli pudarani andà o trapassà 120 à 150 mm in 24 ori, è à spessu 80 mm in menu di 3 ori. Un PC interservizii hè statu missu in ballu ind'u centru d'intarvinzioni è di succorsu di Purtivechju (raprisintanti merria/SDIS/COG/FORSAP). S'ampara dinò chì una perdita di a reta GSM Orange hè stata signalata ind'a cità di u Sali è chì i trasporti sculari sò stati suspesi ind'u paisolu di Borivoli. Clienti sò dinò privi d'elettricità è d'acqua bona inde certi paisoli di u meziornu stremu. Una parsona anziana, trova in difficultà da u cantu di u ghjiratoghju des 4 chemins in Purtivechju, hè stata missa in securità. Certi stradi sò sempri pruibiti à a circulazioni : a strada dipartimintali 59 (paisolu di Mela, settori di Sotta) è a strada dipartimintali 659 di Purtivechju (ponti di l'Arca).
Le point sur la situation à mi-journée avec Rémi Bastille, directeur de cabinet du préfet de Corse.
