Vigilance météo : risque de crue sur le Rizzanesi
(A ridazzioni d'Alta Frequenza) - In lu mentri chì a Corsica hè sempri missa in vighjulanza arancina, u matrali llu Rizzanesu hè satu signalatu toccu da a piena, duminica à 8 ori è 21. L’acquati sò cuddati sinu à 100mm in li spondi è penditi llu fiumu. Si privedi dinò da 60 à 100mm d’acqua. Par avali, ùn hè isciutu for’di spondi u Rizzanesu. L’acqua hè alta di 2 metra è 88 à u ponti di Zoza, è di 2 metra à u ponti lla Rena Bianca. Sè à issu liveddu, l’acqua ghjunghji à i 3 metra è 50, a strada tarrituriali pudaria essa adundata. À liveddu llu ponti di Spin’à Cavaddu, u varcatoghju hè ricupartu da l’acqua. À i rispunsevuli, è spicialmenti à i merri, l’hè stata signalata a nicissità d’avè cura è primura d’issa situazioni. Sò stati cuntrullati i campeghji da a ciandarmaria è u sirviziu d’incendii è succorsi. Par avali, danni maiori ùn ci n’hè statu, ma a situazioni pudaria pighjurì.
Sur le même sujet
