Vigilance jaune pour vent violent et neige : la Haute-Corse aussi
(A redazzioni d'Alta Frequenza) - Dopu a Corsica Suttana, Météo France hà dicisu di metta dinò a Corsica Suprana in vigilenza gialla pà l'alerta à u ventu viulenti è à a nevi. Trà ssu sabbatu da mani è dumani matina, buffulati forti di ventu sò aspittati fin'è 120 o ancu 140 chilometri par ora pà i lochi di Bastia, in Capicorsu è in Balagna. I cumuli d'acqua pudariani essa trà 30 è 50 mm. A limita acqua è nevi cala trà 600 è 800 metri, cù quantità privisti trà 10 è 20 cm pà certi lochi, fin'è 30 à 40 cm ind'i lochi di muntagna, cù risichi di valanghi. Prima di parta annant'à a strada, hè cunsigliatu cù forza di chjamà u PC strada di a Cullittività Tarrituriali di Corsica à u 04 95 46 17 12. Torna una volta, vi racumandemi a vigilenza a più maiò.
Sur le même sujet
