Vieux lycée de Bastia : la satisfaction des personnels
(A redazzioni d'Alta Frequenza) - Sarà bastata un'ora è mezu di dibattiti pà arrigulà i prublemi inghjiru à a custruzzioni di u parking Gaudin in a corti di u Vechju Liceu di Bastia ? In tutti i casi, ssu tempu passatu à discorra trà u cullittivu Salvemu u Vechju Liceu, u prifettu di Corsica Suprana, u merri di Bastia è u rettori d'accademia, l'assenza di a CTC essendu da rimarcà, hè sbuccatu annant'à annunzi chjari. Ùn si tratta mancu appena di delucalizà i corsi duranti i travaghji, è què ancu s'è l'ali à meziornu sarà cundannata in ssu mentri. Dopu, un cumitatu di seguitu hè statu missu in ballu, parchì dopu à i travaghji, un travaghju di valurisazioni sarà ingaghjatu. Infini, s'è a CTC, assenti, voli bè andà ind'u sensu di ssa pruposta, a corti interna di u culleghju Simon Vinciguerra sarà rinfurzata è ingrandata pà duvintà a corti di recreazioni duranti i travaghji.
Una riunioni chì hà suddisfatu i parsunali, com'ella a ci dici Marie Flore Sammarcelli, prufissori in u culleghju Simon Vinciguerra.
Sur le même sujet
