Verdict rendu dans le procès Sollacaro Cervoni
Hè cascata a sintenza in u prucessu pà l’assassiniu d’Antoine Sollacaro è a prova contru à Charles Cervoni.
Patrick Giovannoni hà presu cinqui anni attimpati di prighjunia.
André Bacchiolelli hè statu cundannatu à trenta anni di prighjunia, vinti issendu in pena di sicurità, à una intirdizzioni di pussessu d’arma di quindici anni è à a intirdizzioni di ghjunghja in Corsica par deci anni.
Mickael Ettori infini hè statu cundannatu à quindici anni di prighjunia, à una intirdizzioni di ghjunghja in Corsica è à a intirdizzioni di pussessu d’arma. Hè statu emissu contru ad iddu un mandatu d’arrestu. Mickaël Ettori hè à a machja chì sò parichji anni.
I dui avucati ginirali aviani dumandatu à prighjunia in perpetuu cù 22 anni di sicurità, è a intirdizzioni di ghjunghja in Corsica contru à André Bacchiolelli, dodici anni di prighjunia, a intirdizzioni par cinqui anni di pussessu d’arma è l’emissioni d’un mandatu d’arrestu contru à Mickaël Ettori.
Infini, contru à Patrick Giovannoni, erani stati dumandati cinqui anni attimpati di prighjunia, parvia di a so cullaburazioni cù a ghjustizia.
Sur le même sujet
