Verdict dans le procès dit Orsoni
(A redazzioni d'Alta Frequenza) - A corti d'assisi di i Bouches du Rhône hà prununziatu ssu marti cundanni di prighjoni trà 1 è 8 anni in u prucessu dittu Orsoni. Tutti l'accusati sò stati dichjarati nucenti pà i fatti d'assassinii (quilli di Thierry Castola è Sabri Brahimi) è di prova d'assassiniu (contr'à Francis Castola). Inveci, Guy Orsoni hè statu cundannatu à 8 anni di prighjoni pà associu di malfattori pà crià falsi ducumenti. L'avucatu generali avia dumandatu trenta anni contr'à ellu. U so babbu, Alanu, hè statu cundannatu à un annu di prighjoni pà minacci di morti.
Sur le même sujet
