Vents violents : 16 000 clients privés d'électricité en Haute-Corse
(A redazzioni d'Alta Frequenza) - I venti viulenti chì soffiani in Corsica dipoi ssu marcuri ani cumplicatu a distribuzioni elettrica. Guasgi 16 000 clienti sò privi d'elettricità stamani (ghjovi) in Piaghja Urientali, in Balagna, ind'u Centru è in Capicorsu. Quandu l'alerta meteurulogica hè stata cumunicata, EDF hà mubilizatu subbitu i so mezi pà pudè gistiscia l'evenimentu. U ventu, chì hè statu particularmenti viulenti in certi lochi, hà toccu di una manera forti a reta elettrica. I squadri d'EDF è i so intrapresi partenarii sò mubilizati pà fà vultà u currenti u più prestu pussibuli. I cundizioni d'intarvinzioni fermani difficiuli malgradu tuttu par via di u gattivu tempu è i travaghji di riparazioni sò numarosi. EDF ramenta torna una volta ch'ellu ùn ci voli micca à tuccà i fili elettrichi cascati in tarra è ch'ellu ci voli tandu à chjamà subbitu i servizi d'EDF à unu di ssi numari. Riparazioni elettricità : 09 72 67 50 20 ; rinsignamentu clientela : 09 69 32 25 20.
Sur le même sujet
