Vent violent : la Corse une nouvelle fois placée en vigilance orange
(A redazzioni d'Alta Frequenza) - A Corsica hè torna in vigilenza arancia pà un "ventu assai viulenti" à partasi da ssu sabbatu dopu meziornu à 2 ori, fin'è ssa dumenica à meziornu. U ventu à punenti si rinforza tutta a ghjurnata. Suffiarà in timpesta in a nuttata trà sabbatu è dumenica. Hè duranti a siconda parti di a nuttata ch'ellu sarà u più forti cù buffulati chì pudarani tuccà i 140 chilometri à l'ora in muntagna è nant'à a costa urientali à u sboccu di i valli. U meziornu stremu è u meziornu livanti : Bunifaziu, Purtivechju, Figari, l'Alta ROcca è a Valli di Sulinzara sò i più sposti. Nant'à u rughjonu aiaccinu, i venti di settori nordu punenti ùn trapassarani micca i 70 chilometri à l'ora. Hè dumandata dunqua di limità i so spiazzamenti ; a prudenza a più maiò hè racumandata.
Sur le même sujet
