Vent : un homme blessé à Ajaccio et de très nombreuses interventions
(A redazzioni d'Alta Frequenza) - I succorsi di Corsica Suttana ani ricivutu 247 chjami trà arisera à 7 ori è stamani à 6 ori pà prublemi liati à i venti viulenti. L'intarvinzioni a più grava cuncirnava a ferita d'un omu di 77 anni, toccu da una lama chì si n'hè bulata. I fatti sò accaduti in principiu di sirata nant'à u viali Noël Franchini in Aiacciu. A vittima hè stata purtata à l'uspidali di a Misericordia è uparata in urghjenza. Sempri in a Cità imperiali, hè un pinu d'11 metri chì hè cascatu nant'à quattru vitturi in u parcu Berthault, una barriera pà u passaghju di u trenu hè dinò stata purtata in centru cità. Infini, in Appiettu, hè un scoghju chì hè falatu nant'à a strada di u Listincone. A prudenza a più maiò ferma racumandata, ancu s'è l'alerta arancia vali solu oramai pà u risicu di marosuli è summersioni in Corsica Suttana, i venti fermani sempri assai attivi nant'à u dipartimentu è u piriculu hè sempri prisenti.
Sur le même sujet
