Venaco : 48 hectares finalement parcourus par les flammes
(A redazzioni d'Alta Frequenza) - U focu chì hè partutu luni dopu meziornu in una furesta di pini in Venacu avarà distruttu infini 48 ettari. In fatti, grazia à un studiu più finu di a cartugrafia, i spignifochi ani fattu una valutazioni nova di ciò chì hè statu brusgiatu è dà ssu sciffru novu, inveci di l'80 ettari annunziati prima. S'è u focu hè bè ammaistratu, a survighjenza cuntinueghja pà ssi lochi malgradu tuttu.
