Sò stati taddati setti arburi in Aiacciu
Photo : Cità d'Aiacciu
Ma qual’sarà po’ chì si ni pidda à l’arburi in Aiacciu ?
Via a so pagina facebook, dici a cità d’Aiacciu chì calchissia n’hà taddatu setti, à nantu à u viali Tino Rossi in Santa Lina, versu a strada lli Sanguinarii.
« Issi pina marittimi, piantati mentri i travadda d’accunciamentu di a cullittività di Corsica, s’erani fatti bè è erani suvitati da a cità, in u quadru lla saluta di u so patrimoniu arburescu », scrivi a municipalità.
Un annu fà, di marzu llu 2024, dui arburi à pena posti in Mezavia erani stati taddati rasi. Un altru arburi, à torru à u portu Charles Ornanu, s’era patutu i stessi danni.
A cità d’Aiacciu avia tandu spostu lagnanza.
Cusì sarà fatta, issa volta dinò.
Sur le même sujet
