Vaccination des 12-17 ans dans les établissements scolaires de Corse : c'est parti
Marcuri, Marie-Hélène Lecenne, a dirittrici di l’ARS, è Julie Benetti, a rittrici lla Corsica, ani fattu una cunfarenza di stampa, da prisintà i campagni di vaccinazioni pà l’elevi da 12 à 17 anni.
Issi campagni si farani sia in i stabilimenta, sia in i centra di vaccinazioni, ma sempri in tempu di scola.
Pà a rittrici, a vaccinazioni hè à veru di prima impurtanza, com’è i gesti lla sicurità sanitaria.
Eppuri, nisciun’elevu ùn sarà criticatu parvia lli so scelti vaccinali.
Steti à senta à Julie Benetti.
Issi campagni, fatti liendu si à i centri lli vaccinazioni, à a CdC è à i cumuni, si farani à parta si da u 13 di sittembri.
Ad oghji, sariani 9 000 i ghjovani da 12 à 17 anni cuncirnati da issa vaccinazioni. È ci hè manera di sbuccà ci, à senta ni à l’ARS.
Pà Marie-Hélène Lecenne, ugni parenti devi piddà cuscenza di l’intaressu individuali llu ziteddu di pettu à a vaccinazioni.
À torru à issi campagni, l’ARS faci sabbatu un live facebook, da chì i parenti poschini discorra cù i pediatri.
Eccu un’altra manera di luttà contru à l’idei tutti fatti, ma supr’à tuttu di scaccià i dubiti, dici a dirittrici di l’ARS chì no’stemu à senta.
Sur le même sujet
