Urbanisme : les précisions du préfet de Corse suite aux propos de Jacqueline Gourault
(A redazzioni d'Alta Frequenza) - In un cumunicatu, u prifettu di Corsica, Bernard Schmeltz, hà vulsutu dà pricisioni dopu à i parolli di a ministra Jacqueline Gourault duranti a so ghjunta nant'à l'isula a simana passata cuncirnendu l'urbanisimu. "A ministra hà amintatu in fatti l'opportunità di migliurà l'articulazioni trà a legi liturali è a legi muntagna à prò di i cumuni di muntagna. Ùn si tratta micca "d'astracà u liturali", ma di fà di manera chì inde i paesi, for'di i spazi vicini à u liturali, sighi a legi muntagna è micca a legi liturali chì s'appiighessi", faci sapè u prifettu di Corsica. "Parmittaria di renda più faciuli i custruzzioni inde i paesi chì si trovani inde i parti muntagnoli di i cumuni liturali è di dinamizà l'internu", aghjusta Bernard Schmeltz. Pricisioni chì intarvenini dopu a cumunicazioni di l'associu di difesa di l'ambienti U Levante, chì accusava a ministra, di pettu à i so parolli, di vulè "libarà tarrenu à custruiscia nant'à u liturali".
Sur le même sujet
