Urbanisme et biodiversité : la justice condamne Patrick Rocca
Marti, a ghjustizia l’hà resa publica a so sintenza, pà l’affari ind’idd’erani prucissati Patrick Rocca è a so SCI di custruzzioni Fortimmo, à mutivu di « distruzzioni di razzinu animali prutettu ».
U prucessu s’era fattu u 18 d’uttrovi.
Patrick Rocca si hà buscu un’amenda di 150 000€ è sei mesa di prighjunia attimpata. A so sucità si hà presu una cundanna di 500 000€.
In più di quissa, i dui sò custretti à pagà, di manera sulidaria, 500 000€ à u statu è 30 000€ à l’associu U Levante, à mutivu di danni è intaressi.
D’uttrovi, mentri u prucessu, a ghjustizia s’era intarissata à i travaddi fatti à nantu à a strada di u forti, in Purtichju. Issi travadda ani incausatu a sparizioni di i cuppulati d’Hermann. Malgradu i infrazzioni signalati è i cumandi – dipoi u 2019 - di l’agenti di l’uffiziu lla biodiversità, Patrick Rocca avaria cuntinuvatu, à senta ni u tribunali, smachjeri è travadda. Di marzu di u 2020, un arrestu hà impostu di fà piantà i travadda di custruzzioni di u primu pianu d’un bastimentu di più di 150 alloghja.
U imprisariu t’hà deci ghjorna par fà appellu.
Sur le même sujet
