Université : quelles solutions offertes aux étudiants précaires par la Collectivité de Corse et le CROUS ?
Nimu a si sfranca di a crisa ecunomica, masimu i studianti, ch’iddu si tratti di quiddi isciuti da classi suciali povari o di quiddi ghjunti da una classa media chì oramai, t’hà di menu in menu ecunumii à cunsacrà à i studii lli so fiddoli. Tandu, a Cullittività di Corsica è u CROUS di l’università di Corsica circani à truvà suluzioni.
U risturanti universitariu hà da essa di rigalu, sempri, pà i studianti chì toccani una bursa. Par quidd’altri, u ripastu hà da custà 2,30€. Pà i studianti chì bursa ùn n’ani ma chì sò povari quantunca, sò privisti 100 000€ da assicurà li i ripasti di rigalu. I scelti si farani à parta si da i cartulari.
Sò stati ancu privisti aiuti pà i spesi lla riintruta. In più d’issi dispusitivi, si poni a quistioni di l’alloghja, chì par i studianti, hè caru sempri di più è difficiuli à truvà, un alloghju. È ùn bastani l’alloghja universitarii da suddisfà ni a maior’parti.
Steti à senta à Antonia Luciani, a cunsiglieri esecutiva in carica d’issi cartulari.
Sur le même sujet
