Une villa en construction plastiquée cette nuit à Furiani
(A redazzioni d'Alta Frequenza) - C'hè statu un attentatu stanotti à Furiani, vicinu à Bastia (Corsica Suprana). Una casa in custruzzioni hè stata distrutta in parti da una splusioni chì ùn hà micca fattu vittima. Sicondu l'inchiestadori, a carica splusiva era liata à una buttighja di gaz. A splusioni hè accaduta versu mezanotti. I disguasti sò impurtanti. L'attentatu ùn hè micca statu rivindicatu. I sminadori sò andati sopralocu è l'inchiesta hè stata cunfidata à a pulizza ghjudiziaria.
Sur le même sujet
