Une représentante en glaces braquée dans le Niolu
(A redazzioni d'Alta Frequenza) - Una raprisintanti in ghjacci s'hè fatta arrubà ssu marcuri dopu meziornu in u settori di Calacuccia (Corsica Suprana). Una o parechji parsoni l'ani bluccatu u passaghju annant'à a strada, prima di pighjalli a so vittura è soldi. U preghjudiziu hè in traccia d'essa valutatu. A vittima, tocca à u nivellu emuziunali, ùn saria micca stata ferita. Una vittura hè stata ritrova brusgiata, vicinu à i lochi induv'elli sò accaduti i fatti. Si pudaria bè trattà di a vittura arrubata. A brigada di ricerchi di a gendarmeria di Bastia hè in carica di l'inchiesta.
Sur le même sujet
