Une opération de sécurité routière auprès des motards réalisée en Haute-Corse
(A redazzioni d'Alta Frequenza) - Sabbatu, ind'u campu Henry Martin di Borgu, eppo annant'à a strada, a prifittura di Corsica Suprana, cù l'aiutu di a sizzioni securità stradali di a gendarmeria di Corsica Suprana, hà urganizatu un'uparazioni di sinsibulisazioni à i periculi di a strada pà i parsoni chì t'ani motò. Una cinquantina di bikers ani rispostu à a chjama, è ani rializatu parechji esercizii pà veda i so capacità, è curreghja s'ellu c'era bisognu i so mancanzi. Un'uparazioni chì si spieca d'appressu u prifettu di Corsica Suprana da i sciffri di a murtalità annant'à motò in u dipartimentu in u 2013. Ni parlaremi di manera più larga cù Alain Rousseau, u prifettu di Corsica Suprana, ind'i nostri nutiziali chì venini.
Sur le même sujet
