Une nouvelle phase du programme européen INTERREG lancée en Méditerranée
Via una ghjustra di ballonu trasfruntaliera trà uni pochi di squadri di ghjovani, era à l’onori u prugrama aurupeanu INTERREG, in Borgu.
Issu prugrama lia a Corsica, a righjoni PACA, a Tuscana, a Liguria è a Sardegna, è t’hà par scopu di rinfurzà i lienduli ecunomichi, suciali è culturali trà issi tarritoria chì t’ani u Tarraniu in cumunu.
Hè dunqua statu avviatu, cù à pena di ritardu, u prugrama 2021-2027.
À nantu à issu periudu, a cumissioni aurupeana hà da invistiscia 192 miliona da finanzà prughjetta.
Steti à senta à Rossella Marocchi, rifarenti di i tarritoria pà a Sardegna.
Trà quiddi ch’in Corsica portani i prughjetta, ci hè a camara di cumerciu è d’industriu. Si sà ben’intesa chì rinfurzà i lienduli via i trasporti hè affari di primura, ma u sviluppu ecunomicu trà issi tarritoria pò ancu piddà vii altri.
Steti à senta à Véronique Sciaretti, à nomu di a CCI lla Corsica.
