Une mobilisation pour l'Ukraine a eu lieu à Bastia
Duminica in Bastia, à nantu à a piazza San’Niculaiu, circa centu parsoni si sò accolti in sustegnu à l’Ucraina è à u so pupulu dopu ch’idda sichi sparata a guerra, parvia di l’assaltu russiu.
Trà mezu à l’aienti, c’erani parichji parsoni di a cumunità ucrainiana di Bastia, cumossi bè. Sò ancu ghjunti à sustena li membri di a cumunità russia.
Trà mezu à st’ucrainiani spatriati in Corsica, ci era Elena Simutenkova-Simeoni. Issa ghjovana donna, chì teni u cuntattu cù i soi fermi culandi, campa cù l’angoscia chì hè una sittimana.
Par idda, ùn pò chè crescia issu sustegnu.
Steti la à senta.
Maria Lytvyna-Stefani hè in Corsica chì sò vint’anni. A so mamma, chì t’hà 63 anni, hà sceltu di stà si ni in u so appartamentu à u centru di Kiev, malgradu a guerra è i bumbardamenta russii.
Inchieta pà i soi, Maria Lytvyna-Stefani circa à aiutà i so cumpatriotti, pruvendu à mandà supr’à locu panni o altra robba.
Steti la à senta.
