Une large intersyndicale se mobilise pour la fonction publique mardi en Haute-Corse
(A redazzioni d'Alta Frequenza) - FO, CGT, STC, CFDT, UNSA è FSU daretu à u listessu striscionu, un ritrattu assai scarsu ss'ultimi anni ch'è no pudaremi veda marti in Bastia partendu da u palazzu di Ghjustizia à 10 ori pà a ghjurnata di greva naziunali ind'a funzioni publica. U valori di u puntu d'indiziu pà i paghi chì ùn movi più, ritornu di a ghjurnata di carenza, suppressioni di l'impieghi aiutati, mubilità più impurtanti dumandata, passaghju di più in più currenti pà i cuntrattuali, eccu frà altru ciò chì farà falà in carrughju ss'intersindicali assai larga, chì s'inchieta dinò, à u nivellu lucali, di i cunsiquenzi di u passaghju à a cullittività unica u 1a di ghjinnaghju di u 2018. L'urdinanzi di u guvernu Philippe sò d'appressu à l'intersindicali un'azzioni putenti è urganizata contr'à a funzioni publica.
Steti à senta à Jacky Tartuffo di Force Ouvrière pà l'intersindicali.
Sur le même sujet
