Une course contre la montre pour sauver le Napoléon-Bonaparte
(A redazzioni d'Alta Frequenza) - A corsa à u tempu cuntinueghja pà pruvà à salvà u Napoléon Bonaparte di l'acqui di u portu di Marseghja. Dipoi dui ghjorni oramai, i grandi mezi sò impiecati pà culmà l'aparturi di u battellu, rammintemu la, svintratu nant'à più di 20 m2 dumenica da mani dopu avè pichjatu cù forza contr'à a calata. U ferry tocca oramai u fondu ed hè statu stabulizatu, è i ciuttadori travaghjani in issu mumentu senza piantà da saldà foghji di metallu nant'à l'aparturi è culmà a via d'acqua. Una volta l'affari fattu, l'uparazioni pà pumpà pudarani cumincià. Malgradu tuttu, ci hà da vulè à andà in furia. In fatti, u gattivu tempu sarà di ritornu, d'appressu à Météo France, à partasi da dumani ind'u rughjoni marsighjesu. Spiremi chì da quì à tandu, a maiò parti di i travaghji sarà rializata. Ciò chì hè sicuru stamani, hè chì u Napoléon Bonaparte chì duvia riparta in mari u 20 di dicembri, ùn pudarà micca fà la. Una volta riparatu, iss'ultimu sarà sottumissu à spertizii tennichi.
Sur le même sujet
