Une conférence intercommunale du logement pour simplifier l'accès au logement social
(A redazzioni d'Alta Frequenza) - Trasparenza, simplificazioni è missa in cuerenza di l'ufferta è di a dumanda, eccu i trè scopi di a cunfarenza intercumunali di l'alloghju in u quadru di a Cumunità d'Agglumerazioni di Bastia chì hè stata urganizata calchì ghjornu fà. Trasparenza prima, cù a brama di a CAB in cullaburazioni cù i pruprietari suciali di metta in ballu criterii d'attribuzioni più chjari è pricisi cà oghji, da fa chì quilli chì uttenini un alloghju, ma dinò quilli chì vidarani a so dumanda ricusata pudissini cunnoscia esattamenti a raghjoni di a dicisioni chì sarà stata presa. Simplificazioni, cù a missa in ballu à partasi di u mesi di ghjunghju di una dimarchja unica pà dumandà un alloghju suciali, cumuna à tutti i pruprietari suciali. Infini, missa in cuerenza, prifittura, CAB è pruprietari suciali chì ani privistu di cullaburà pà ghjunghja à un raportu più bonu trà particularità di l'ufferta è particularità di a dumanda.
Steti à senta à Alain Thirion, u prifettu di Corsica Suprana.
