Une bande dessinée qui rend hommage aux poilus corses de 14 vient de paraître
(A redazzioni d'Alta Frequenza) - In cullaburazioni cù u Museu di a Corsica, in Corti, è a Cullittività Tarrituriali di Corsica, hè isciuta ind'è l'edizioni Albiana una figuretta chì si chjama Aiò Zitelli. Ssa figuretta ammenta dunqua a storia di i Corsi partuti à a prima guerra mundiali un seculu fà. L'album hè cumpostu d'ottu storii corti, cù tematichi forti, com'è a mubilisazioni, u prighjuneru, u fucilatu pà l'asempiu, a vita ind'i trancei... I raconti sò ispirati da fatti riali, è ancu cumposti certi volti di veri lettari di ssi corsi partuti à u fronti. Ss'album hè statu missu in scena da Marko, disegnatu da Inaki Holgado, culurizatu da Nuria Sayago, è scenarizatu da Frédéric Bertocchini.
Steti à senta à Frédéric Bertocchini.
Sur le même sujet
