Un travailleur roumain dans un état desespéré suite à une rixe
(A redazzioni d'Alta Frequenza) - Arimani (dumenica) versu A Ghisunaccia, un travaghjadori rumenu hè statu agressatu da un antru, sempri rumenu, duranti un barbecue dopu à una disputa chì hè divintata una baruffa. U so agressori hà utilizatu un mattoni pà minà lu in capu. Mentri chì quissu quì, chì era briacu duranti l'agressioni, hè ascultatu par avà da i gendarmi di A Ghisunaccia, a vittima, pà contu soiu, hè ind'un statu gravissimu, essendu stata tocca cù forza à u nivellu cerebrali.
