Un trafic de pièces d'or de l'empire romain démantelé en Haute-Corse
(A redazzioni d'Alta Frequenza) - Ssu ghjovi, u prucuratori di a Republica di Bastia, Nicolas Bessone, hà urganizatu una cunfarenza di stampa pà fà u puntu nant'à un affari di trafficu di pezzi d'oru. In fatti, in u quadru di un'inchiesta longa d'un annu pà un trafficu d'armi, l'inchiestadori ani scupartu un trafficu di pezzi d'oru ghjunghjendu da u tisoru di u golfu di Lava, da i tempi di l'imperu rumanu. L'affari sò andati in furia dumenica postu chì dui parsoni sò stati arristati nant'à u portu di Bastia mentri ch'elli duviani imbarcà pà Savona, prima d'andà in Milanu, pà pighjà l'avviò versu Hong Kong, pà pudè rivenda sedeci pezzi. Pezzi chì poni valè trà 50 000 è 780 000 auri l'unità. In tuttu, quattru parsoni sò stati missi in asamini è incarciarati pà associu di malfattori, contrabanda è alienazioni di bè culturali à mezu à parechji altri rimprovari, ma dinò pà infrazzioni nant'à a legislazioni cuncirnendu l'armi, armi chì sò stati trovi duranti parquisizioni. Trè di i quattru prutagunisti, sicondu u prucuratori, ricunnoscini i fatti nant'à i pezzi d'oru.
Steti à senta à Nicolas Bessone, prucuratori di a Republica di Bastia.
Sur le même sujet
