Un touriste belge se noie sur une plage de Corse-du-Sud
(A redazzioni d'Alta Frequenza) - Arisera (luni), versu 5 ori è 45, un omu hè mortu nant'à a piaghja di Purtigliolu, in Corsica Suttana. A vittima di una cinquantina d'anni s'hè annigata è ùn hè pussuta essa salvata, malgradu l'intarvinzioni à lestra di i succorsi. L'affari avaria pussutu essa peghju, quandu si sà chì quattru turisti belghi si sò ritrovi in difficultà, ind'un mari scatinatu. L'omi di a SNSM di Prupià si sò mossi da purtà succorsu à iss'ultimi. Battellu specificu, elicotteru è ciuttadori sò stati mubilizati da ripurtà i quattru parsoni nant'à a rena. Una hè morta dunqua. I salvatori volini rammintà ch'ellu hè assai piriculosu d'andà à ciuttà si in mari quandu chì iss'ultimu hè scatinatu, com'ella hè statu u casu arisera nant'à issa piaghja piriculosa di riputazioni.
Sur le même sujet
