Un texte sur l'histoire de la Corse retiré du site de la préfecture : une victoire par KO selon Jean-Guy Talamoni
(A ridazzioni d'Alta Frequenza) - « Vittoria pà abbandonu#KO » ! Eccu i parolli di Jean-Guy Talamoni, u prisidenti di l’assemblea di Corsica, in un tweet publicatu ghjovi. Voli insignà cusì, u prisidenti, a muzioni sposta arimani, chì dumandaia u ritiru d’un scrittu à nantu à a storia di a Corsica, publicatu in lu situ lla prifittura lla Corsica. Un articulu « pratesu storicu », sicondu à Jean-Guy Talamoni, cù « passaghji rivisiunisti à veru ». In quantu à u prifettu, Bernard Schmeltz, dici in un cumunicatu ch’idd’ùn « tocca à u prifettu di sprima si à nantu à a qualità storica d’issu scrittu, chì mintuvighja parichji volti libra cunsacrati à a storia lla Corsica ». Eppuri, hè statu cacciatu u famosu scrittu da u situ lla prifittura !
Sur le même sujet
