Un séminaire à Ajaccio pour lutter contre l'exploitation sexuelle
Marcuri in Aiacciu, in prisenza di u prifettu è di u prucuratori, si hè fattu un siminariu cù tutti l’attori impignati in a lutta contru à a splutazioni sissuali.
Issa riunioni di travaddu t’avia par fini di piddà a misura di a prustituzioni in Corsica, ma ancu di fà u puntu à nantu à i dispusitivi aghjà prisenti da accumpagnà i vittimi, è purtà in ghjustizia à quiddi chì ni sò rispunsevuli.
A prustituzioni, chì pidda formi diversi, tocca ancu i parsoni minori.
Issu siminariu dipartimintali hà pirmissu di prisintà u travaddu fattu da l’attori lucali, masimu quiddu par metta in anda un arnesi capaci à scedda capu nanzi situazioni prustituziunali.
Si hè cusì pussutu scopra certi pratichi nuvativi, com’è i circhi numerichi avviati in Brittagna, ind’iddi si trovani i stessi difficultà chè quiddi idintificati in Corsica.
Sur le même sujet
