Un semi-remorque transportant du carburant couché sur la route à Casalabriva
(A redazzioni d'Alta Frequenza) - Un camiò chì traspurtava trenta mila litri di cumbustibuli liquidu s'hè rinvinrciatu nant'à a strada naziunali 196 in Casalabriva, in Corsica Suttana, versu 8 ori di mani, senza sapè parchì par avà. Quattru picculi perditi sò stati trovi à nantu. U cunduttori hè statu scarceratu da u veiculu, grazia à l'intarvinzioni di i pumpieri di u dipartimentu. Quissu quì, presu in carica da un'ambulanza, ùn hè micca feritu ancu di grazia. Parsunali di u serviziu di i stradi, di a DDTM eppo i gendarmi, in più di i mezi di pumpieri sò sopralocu. Una siconda strada hè stata aparta, partendu d'Aiacciu à u nivellu di u ghjiratoghju d'Eccica Suarella, è à quillu di Porti Poddu ind'u sensu Prupià-Aiacciu. Ssa siconda strada pò essa solu presa da i vitturi. I camiò, camping cars, cars è bus ùn ani micca u dirittu di circulà nantu. Par avà, l'uparazioni hè in corsu è ùn raprisenta micca un periculu maiò. Da nutà malgradu tuttu chì spicialisti in risichi chimichi ghjunti d'Aiacciu ani da intarvena com'è cunsigli tennichi pà ss'intarvinzioni.
Sur le même sujet
