Un réseau de trafic de stupéfiants démantelé dans l'Extrême Sud
(A redazzioni d'Alta Frequenza) - Una reta di trafficu di droghi, chì rializava i so attività trà Santa Lucia di Purtivechju è Bunifaziu hè stata sfatta issu sabbatu. I gendarmi di a Brigada di Purtivechju ani agitu nant'à u fattu di un scambiu di 500 grammi di cocaina è parechji millai d'auri, nant'à una strada dipartimintali. Una struttura assai urganizata d'appressu à u culunellu Gosset, pà u Gruppu di Gendarmeria di Corsica Suttana, cù 12 prutagunisti arristati ind'a cità di u sali, ma dinò in Bastia è inde l'Alta Rocca. Nant'à i 5 prisintati à a ghjustizia, 3 sò stati missi sottu à i marchjoni (dui ind'a prighjò di Borgu è unu in Aiacciu), è 2 sò stati piazzati sottu à cuntrollu ghjudiziariu, sempri d'appressu à u GR di Corsica Suttana. 4 altri parsoni sarani cunvucati più tardi da essa missi in asamini, mentri chì i 3 chì fermani sò stati ricappiati. Da nutà chì duranti i parquisizioni, 200 grammi di resina di cannabis è parechji armi sariani stati trovi. Un travaghju di longu andà pà i gendarmi, l'infurmazioni ghjudiziaria essendu stata aparta di dicembri di u 2010.
