Un requin blanc de 100 kg pêché près des côtes corses
(A redazzioni d'Alta Frequenza) - Omu s'arricorda chì di farraghju, un cagnacciu di guasgi ottu metri s'era vistu vicinu à i costi di Balagna. Stavolta, hè un veru cagnacciu biancu di dui metri è di 100 chilò chì hè statu piscatu à a punta di a Rivillata, sempri in Balagna. Quillu chì omu chjama à spessu u "grandi biancu" t'hà a riputazioni d'essa piriculosu pà l'omu. Ma, ùn ci hè da fà si pinseri, iss'ultimu hè statu piscatu in prufundezza, luntanu da i piaghji, postu ch'ellu hè ghjuntu à perda si ind'i reti di un piscadori. Hè piuttostu scarsu di custatà à prisenza di issi cagnacci vicinu à i costi isulani. In fatti, quissi quì sò minacciati di spariscia ind'u Mediterraniu.
Sur le même sujet
