Un programme de logements pour primo-accédants lancé à Bastia
(A redazzioni d'Alta Frequenza) - A prima accessioni pà fà vultà i ghjovani attivi o fà ch'elli ùn si n'andessini par essa pruprietarii, eccu a strategia di a merria di Bastia. In fatti, in u quadru di un prughjettu immubiliari di 128 alloghji in u settori di u Machjone cù un principiu vicinu, u prumutori in carica di quissu quì ni risirvarà vinticinqui pà a prima accessioni, cù prezzi prifarinziali trà 2 000 è 2 300 auri u metru quadratu, vali à dì milli auri di menu di pettu à u prezzu di l'altri alloghji di u prughjettu. I candidati, chì t'ani fin'è u 31 di lugliu pà prisintà un cartulari, si duvarani ingaghjà à fanni a so residenza principali pà novi anni à u minimu. Un'uparazioni senza impegnu finanziariu direttu di a merria di Bastia, postu chì u prumutori hà fattu ssa scelta dopu avè valutatu u costu glubali di un'iniziativa simuli, ancu s'è a municipalità hà pussutu ghjucà nant'à certi tassi grazia à a difinizioni di un prughjettu simuli com'è Prughjettu Urbanu Partinariali.
Calcosa d'ineditu chì si duvaria pruducia torna d'appressu à Emmanuelle de Gentili, prima aghjunta à u merri di Bastia.
Sur le même sujet
