Un photographe de Corse-Matin agressé par des antivax
Un fotograffu di Corse-Matin hè statu minatu da uni pochi d’anti-vax, davanti à l’Assemblea di Corsica.
À senta ni u so ghjurnali, iscia da un appuntamentu à a righjoni quand’iddi si ni sò presi ad iddu, i manifistanti chì bluccaiani a intruta.
Quissi si sò lagnati d’ùn essa intesi da u ghjurnali, mughjendu « buciardi » o « vinduti », è ani manifistatu a so scuntintezza dendu calci è pugna à u fotograffu, tinutu da una parsona è minatu à u minimu da dui altri.
Marcatu in faccia, u fotograffu si hè ancu fattu sciappà i so spichjetti, dici Corse-Matin mintuvendu issu fattu.
U ghjurnali è u fotograffu ani spostu lagnanza.
Radio Alta Frequenza cundanna issa viulenza è manda u so sustegnu à u fotograffu di Corse-Matin attaccatu mentri u so travaddu, è à a Ridazzioni llu ghjurnali.
Sur le même sujet
