Un nouveau plan de lutte contre les violences faites aux femmes en Haute-Corse
(A redazzioni d'Alta Frequenza) - U prifettu di Corsica Suprana, Alain Rousseau, cù u prucuratori di a Republica di Bastia, raprisintanti di a Cullettività Tarrituriali di Corsica, di a merria di Bastia, è parechji servizii di a prifittura, hà prisintatu a virsioni dipartimintali di u quattriesimu pianu interministiriali di privenzioni è di lotta contr'à i viulenzi fatti à i donni. Una necessità, soprattuttu ind'un dipartimentu induva u numaru di donni à pona una lagnanza pà ssi fatti cresci di più in più. Trè priurità sò stati difiniti : lacà nisun viulenza senza risposta penali è suciali, pruteghja i vittimi, è mubilizà a sucità. Ind'u duminiu di a prutezzioni, si ritinarà chì strutturi d'accolta aprarani da quì à pocu in Balagna è in Piaghja Urientali, à mezu ad altri misuri com'è un telefunu spiciali datu à donni in situazioni à risichi valutati da sfarenti criterii, parmittendu di chjamà u più prestu pussibuli i servizii di pulizza. Aldilà di misuri simuli, rammintemi chì qualsiasi donna vittima di viulenzi da un omu pò chjamà u 0 800 400 235, un numaru in Corsica chì viaghja 24 ori / 24.
Steti à senta à Dominique Nadeau, dilegata dipartimintali à i diritti di i donni è à l'egualità trà l'omi è i donni.
