Un motard perd la vie à Oletta
(A redazzioni d'Alta Frequenza) - Novu accidenti murtali nant'à a strada eri in principiu di dopu meziornu (sabbatu) in Corsica Suprana, nant'à a cumuna d'Oletta, nant'à a D 82 dopu à un inticciu viulenti trà una motò è una vittura, vicinu à un grandi magazenu. Malgradu a so ghjunta in furia sopralocu, i succorsi ùn pudiani cà custatà a morti di u cunduttori di a motò, un omu di una trentina d'anni chì campava in Borgu. I dui parsoni inde l'altru veiculu, sò stati feriti cà pocu ma assai tocchi di manera psicologica; sò stati traspurtati à l'uspidali di Bastia. I circustanzi esatti di issu dramu sò par avà scunnisciuti. A gendarmeria hè incaricata di l'inchiesta.
Sur le même sujet
