Un jeune homme incarcéré après l'agression dont a été victime Filippo de Carlo
Ghjovi, u tribunali currizziunali di Bastia hà trattatu l’affari di Filippo de Carlo. Ramintemu ch’issu membru llu partitu « Forza Nova », candidatu à i municipali llu 2020 in Bastia, si hè fattu tribbià in Corti, a duminicata passata.
Un omu di 20 anni, participanti suppostu à issa viulenza chì hà purtatu à 45 ghjorna d’arrestu di travaddu, hè statu incarciaratu. C’era par iddu un mandatu di dipositu. L’omu, chì si hè prisintatu in ciandarmaria di Borgu, devi passà in ghjustizia à mutivu di « viulenzi in riunioni, chì ani purtatu à una intarruzzioni di travaddu di più d’ottu ghjorna ».
U prucessu si duvaria fà u 15 di nuvembri. Intantu, l’omu aspittarà in prighjoni u so ghjudicamentu.
