Un homme vole des maillots de bain à Sarrola-Carcopino et finit au tribunal pour détention d'armes et de munitions
Un homme vole des maillots de bain à Sarrola-Carcopino et finit au tribunal pour détention d'armes et des munitions
(A ridazzioni d'Alta Frequenza) - Eccu un affari curiosu, cuntatu da a ciandarmaria di Corsica : un arrubbeghju di panni di bagnu chì porta à scopra un pussessu illegali d’armi ! Hè da u principiu di sittembri ch’una parsona arrubbaia panni di bagnu in un gran’magazenu, à nantu à a cumuna di Sarrula è Carcupinu. Puri avendu fattu sunà u signali iscindu da u magazenu, l’omu si n’hè scappatu in vittura. I ciandarmi di Peri ani nutatu u so numaru, è ani pussutu ritruvà a parsona qualchì ghjornu dopu. Fendu a parquisizioni, in più di i panni arrubbati, i ciandarmi ani trovu armi è cartucci, ch’erani pussessi for’di legi. Hè par issu particulari ch’iddu passarà l’omu davanti à u tribunali currizziunali d’Aiacciu.
Sur le même sujet
