Un homme mortellement blessé par balles à Biguglia
(A redazzioni d'Alta Frequenza) - Un omu di una quarantina d'anni hè statu feritu di una manera murtali da balli in a notti trà ghjovi è vennari in Biguglia (Corsica Suprana). I fatti sò accaduti versu mezanotti vicinu à u ghjiratoghju di Ceppe. Sicondu u prucuratori di a Republica di Bastia, Nicolas Bessone, un omu, funziunariu di pulizza in a PJ, in traccia di divurzià cù a so moglia, hè andatu in casa à ss'ultima arisera. Ci saria statu dopu un azzuffu trà i dui parsoni. Un vicinu, chì hà intesu i mughji, avaria pruvatu à mettasi à mezu, sempri sicondu u prucuratori di a Republica. Tandu, u funziunariu di pulizza avaria presu un'arma ind'a so musetta, prima di tirà parechji volti nant'à u vicinu di a so moglia. A vittima, presa in carica in furia da i succorsi, hè morta calchì minuta dopu par via di i so feriti. L'omi di a Direzzioni dipartimintali di a securità publica ani fattu i primi custatazioni sopralocu. U prucuratori di Bastia hà apartu un'inchiesta è dumandatu l'intarvinzioni di l'IGPN, a pulizza di i pulizzi.
Sur le même sujet
