Un homme meurt foudroyé en Haute-Corse
(A redazzioni d'Alta Frequenza) - Un omu di una quarantina d'anni hè mortu eri dopu meziornu (ghjovi) versu 3 ori dopu essa statu toccu da a saetta, in Corsica Suprana, in Petricaghju d'Alisgiani (Castagniccia). Sicondu i primi elementi, a saetta avaria pichjatu contr'à a ringhera di a tarrazza duva c'era a vittima, un alimanu chì stava in paesi, prima di tuccà lu. A moglia di ss'ultimu hà chjamatu i succorsi. Ghjunti in furia sopralocu, i pumpieri di Cervioni ùn pudiani cà custatà malgradu tuttu è par disgrazia a morti di a vittima.
Sur le même sujet
