Un homme blessé par balles en Haute-Corse
(A redazzioni d'Alta Frequenza) - Un omu hè statu feritu da balli arisera (vennari) in A Ghisunaccia (Corsica Suprana). D'appressu à l'elementi racolti da u cantu di a prifettura di Corsica, pari chì omi armati sighini ghjintruti ind'un appartamentu di u centru cità duva ci erani trè omi, pà dumandà li soldi. Una baruffa saria schjattata, feriscendu unu di i trè abitanti à u ghjinochju. Subbitu, l'omi armati sariani scappati. U feritu hè statu traspurtatu par contu soiu à l'uspidali di Bastia. U so prunosticu vitali ùn hè micca ingaghjatu. L'inchiesta hè stata cunfidata à a gendarmeria.
Sur le même sujet
